ಶಿವಮೊಗ್ಗ, ಆ. 6: ಬೆಂಗಳೂರಿನ ಆಸ್ಟರ್ ಸಿಎಂಐ ಆಸ್ಪತ್ರೆ ಸಹಯೋಗದಲ್ಲಿ ಬೆನ್ನುನೋವು, ಕುತ್ತಿಗೆನೋವು, ಸಂಧಿವಾತ, ಸೈಯಾಟಿಕಾ ಸೇರಿದಂತೆ ವಿವಿಧ ರೀತಿಯ ದೀರ್ಘಕಾಲದ ನೋವಿನ ಸಮಸ್ಯೆಗಳಿಂದ ಬಳಲುತ್ತಿರುವ ಸಾರ್ವಜನಿಕರಿಗಾಗಿ ಆಗಸ್ಟ್ 8ರಂದು ನೋವು ನಿವಾರಣಾ ತಪಾಸಣಾ ಶಿಬಿರ ಆಯೋಜಿಸಲಾಗಿದೆ.
ಖ್ಯಾತ ನೋವು ನಿವಾರಣಾ ತಜ್ಞ ಡಾ. ರಾಘವೇಂದ್ರ ರಾಮಾಂಜುಲು ಅವರ ನೇತೃತ್ವದಲ್ಲಿ ನಡೆಯಲಿರುವ ಶಿಬಿರವು ನಾಲ್ಕು ಸ್ಥಳಗಳಲ್ಲಿ ಹಮ್ಮಿಕೊಳ್ಳಲಾಗಿದೆ.
- ಬೆಳಿಗ್ಗೆ 9.30 ರಿಂದ 11.00 ಗಂಟೆ: ನೂರೋ ಭಾರತ್ ಆಸ್ಪತ್ರೆ, ಜ್ಯುವೆಲ್ ರಾಕ್ ರಸ್ತೆ, ಶಿವಮೊಗ್ಗ.
- ಬೆಳಿಗ್ಗೆ 11.30 ರಿಂದ ಮಧ್ಯಾಹ್ನ 1.00 ಗಂಟೆ: ಮೆಟ್ರೋ ಆಸ್ಪತ್ರೆ, ಜಯನಗರ, ಶಿವಮೊಗ್ಗ.
- ಮಧ್ಯಾಹ್ನ 3.00 ರಿಂದ 4.30 ಗಂಟೆ: ದೇವರಬಾವಿ ಅಂತಃಸ್ರಾವಕ ಮತ್ತು ಮಧುಮೇಹ ಕೇಂದ್ರ, 4ನೇ ಕ್ರಾಸ್, ದುರ್ಗಿಗುಡಿ, ಶಿವಮೊಗ್ಗ.
- ಸಂಜೆ 5.00 ರಿಂದ 6.00 ಗಂಟೆ: ಸನ್ ಬೋನ್ ಸ್ಪೈನ್ ಸ್ಪೆಷಾಲಿಟಿ ಆಸ್ಪತ್ರೆ, ತಿಲಕ್ ನಗರ, ದುರ್ಗಿಗುಡಿ, ಶಿವಮೊಗ್ಗ.
ಶಿಬಿರದಲ್ಲಿ ಬೆನ್ನುನೋವು, ಕುತ್ತಿಗೆನೋವು, ಭುಜದ ನೋವು, ಸೈಯಾಟಿಕಾ, ಕ್ಯಾನ್ಸರ್ ಸಂಬಂಧಿತ ನೋವು, ಟ್ರೈಜೆಮಿನಲ್ ನ್ಯೂರಾಲ್ಜಿಯಾ, ಮೈಗ್ರೇನ್, ನರಗಳ ಸಂಬಂಧಿತ ನೋವು, ಕೀಲುನೋವು ಹಾಗೂ ಸ್ನಾಯು ನೋವು ಸೇರಿದಂತೆ ವಿವಿಧ ರೀತಿಯ ನೋವಿನ ಸಮಸ್ಯೆಗಳ ಕುರಿತು ತಜ್ಞರಿಂದ ತಪಾಸಣೆ, ಸಲಹೆ ಹಾಗೂ ಚಿಕಿತ್ಸಾ ಮಾರ್ಗದರ್ಶನ ನೀಡಲಾಗುತ್ತದೆ.
ನೋವಿನ ಕಾರಣಗಳು, ಆಧುನಿಕ ಚಿಕಿತ್ಸಾ ವಿಧಾನಗಳು ಹಾಗೂ ನೋವಿನಿಂದ ಮುಕ್ತ ಜೀವನದ ಬಗ್ಗೆ ಸಾರ್ವಜನಿಕರಲ್ಲಿ ಅರಿವು ಮೂಡಿಸುವ ಉದ್ದೇಶದಿಂದ ಈ ಶಿಬಿರವನ್ನು ಆಯೋಜಿಸಲಾಗಿದೆ ಎಂದು ಆಸ್ಪತ್ರೆ ಆಡಳಿತ ತಿಳಿಸಿದೆ.
ಸಾರ್ವಜನಿಕರು ಹೆಚ್ಚಿನ ಸಂಖ್ಯೆಯಲ್ಲಿ ಭಾಗವಹಿಸಿ ಉಚಿತ ಶಿಬಿರದ ಸದುಪಯೋಗ ಪಡೆಯುವಂತೆ ಮನವಿ ಮಾಡಲಾಗಿದೆ.
ಹೆಚ್ಚಿನ ಮಾಹಿತಿಗಾಗಿ ಸಂಪರ್ಕಿಸಿ:
📞 96200 01639
📞 78291 28776
